Á hæstu tinda
Við klífum fimm hæstu tinda Kerlingarfjalla í krefjandi og skemmtilegri fjallgönguhelgi.
16.-18. ágúst
Í þessari mögnuðu ferð er farið í krefjandi og stórskemmtilega göngu um friðlandið þar sem markmiðið er að toppa hæstu tinda á svæðinu. Í ferðinni, sem fer fram helgina 16.-18. ágúst, eru tveir vel skipulagðir göngudagar. Á laugardeginum klífum við fimm hæstu fjallstinda í Kerlingarfjöllum sem allir eru á lista yfir hundrað hæstu fjöll á Íslandi. Topparnir fimm eru Loðmundur, Snót, Snækollur, Hverahnúkur og Fannborg. Á sunnudeginum förum við Mænishringinn og göngum ef til vill upp á Mæni/Ögmund. Við förum jafnvel að sjálfri Kerlingu, klettadranganum sem fjöllin draga nafn sitt af.
Við bjóðum gestum ýmist að taka eingöngu þátt í gönguferðunum eða að bóka ferð með gistingu, veitingum og aðgangi að Hálendisböðunum auk gönguferðanna.
Hér er áætluð dagskrá fyrir helgina. Athugið að dagskrárliðir á hóteli og veitingastað gilda aðeins um gesti sem bóka ferð með gistingu, veitingum og aukaþjónustu.
16:00 Innritun
19:00 Kvöldverður á eigin vegum
Kynning og undirbúningsfundur (allir þátttakendur)
07:00-10:00 Morgunverður
Brottför í göngu dagsins
18:00-20:30 Kvöldverðarhlaðborð
Hálendisböðin
Sögustund, fordrykkur og stjörnuskoðun ef aðstæður leyfa
07:00-10:00 Morgunverður
Brottför í göngu dagsins
12:00 Útritun
Athugið að þetta er áætluð dagskrá sem gæti breyst þegar nær dregur.
Athugið að gestir hafa val um að bóka rútuferð fyrir aukagjald. Hafið samband við söludeild til að bóka annars konar herbergi en hér er gefið upp.
Verð: 32.500 kr. á mann
Innifalið:
Gönguferðir á vegum Útihreyfingarinnar
Kynning og undirbúningsfundur á föstudagskvöldi
Ferðin er tvær nætur/þrír dagar og þurfa þátttakendur að vera mættir í Kerlingarfjöll á föstudegi.
Verð: 121.700 kr. á mann (tveir gestir í herbergi)
Innifalið:
Gönguferðir með leiðsögn á vegum Útihreyfingarinnar
Kynning og undirbúningsfundur á föstudagskvöldi
Gisting í tvær nætur á hótelinu
Aðgangur að Hálendisböðunum
Morgunverðir
Kvöldverðarhlaðborð á laugardegi
Einn nestispakki
Gestir koma með viðeigandi göngubúnað, þ.m.t. stafi, léttan bakpoka og góða gönguskó með ökklastuðningi. Við bendum gestum einnig á að klæða sig eftir veðri og aðstæðum, taka með sér hlaðinn farsíma og hafa vatn og létt snarl meðferðis.
Lágmarksþátttaka í ferðina miðast við 10 bókaða þátttakendur. Ferðin er ekki staðfest nema að lágmarksþátttaka náist.
