Kerlingarfjöll

Fjallahjólahelgi

Krefjandi og skemmtileg fjallahjólaferð í stórbrotnu umhverfi Kerlingarfjalla yfir verslunarmannahelgina.

Í samstarfi við Útihreyfinguna höldum við í ævintýralega fjallahjólaferð þar sem hjólað er réttsælis í kringum Kerlingarfjöll og njótum alls sem síbreytilegt umhverfið býður upp á. Komdu með fjallahjólið og útilegubúnaðinn og búðu þig undir alveg ógleymanlega verslunarmannahelgi.

Þátttakendur mæta í Kerlingarfjöll á föstudegi og hjóla af stað á laugardagsmorgni þar sem hópurinn fer um Kisubotna. Að dagleiðarlokum verður tjöldum svo slegið upp í námunda við Klakk. Á sunnudeginum er hringnum lokað þar sem hjólað er um Leppistungur og svo haldið til baka. Ferðin endar með gæðakvöldverði í Kerlingarfjöllum. Hópurinn hefur einnig aðgang að Hálendisböðunum, þar sem hægt er að slaka vel á fyrir heimferð á mánudagsmorgni.

Bókunarbeiðni

Dagskrá

Þátttakendur koma í Kerlingarfjöll á eigin vegum.

Við eigum saman undirbúningsfund á hótelinu á föstudagskvöldinu og nærum hug og anda fyrir ferð.

Yfir helgina ferðumst við réttsælis hringinn í kringum Kerlingarfjöll, sláum upp tjaldbúðum á miðri leið og komumst nær náttúrunni.

Að góðum hjólatúr loknum býðst að hvíla lúin bein, borða góðan kvöldmat, nýta Hálendisböðin og njóta endurheimtarinnar í góðum félagsskap.

Föstudagur 2. ágúst

Þátttakendur koma í Kerlingarfjöll
Undirbúningsfundur um kvöldið
Gist í Kerlingarfjöllum

Laugardagur 3. ágúst

Lagt snemma af stað í hjólaferð um Kisubotna
Endað við Klakk þar sem verður grill og fjallastemning um kvöldið (hótelið sér um trúss fyrir tjöld og mat)
Tjöldum slegið upp (gestir koma með eigin tjaldbúnað sem fluttur verður á næturstað)
Allur matur þennan dag er innifalinn

Sunnudagur 4. ágúst

Haldið áfram og hjólað um Leppistungur
Ferð endar aftur í Kerlingarfjöllum og Hálendisböðum
Allur matur þennan dag er innifalinn

Mánudagur 5. ágúst

Útritun er klukkan 11:00

Verð

123.000 kr. á mann
Lágmarksþátttaka miðast við 12 manns

Gist er í svefnskálum fyrstu og síðustu nóttina, hægt er að hafa samband við okkur til þess að athuga með annars konar gistimöguleika

Innifalið

Fyrsta og þriðja nóttin í svefnpokaplássi í svefnskálum (í sameiginlegu rými eða einkanípum fyrir 2-3)
Morgunverður, hádegisverður og nesti á laugardegi og sunnudegi
Grill á laugardegi og kvöldverður á sunnudegi
Leiðsögn í þrjá daga
Undirbúningsfundur með leiðsögumönnum
Trúss
Aðgangur í Hálendisböðin á sunnudagskvöldi

Mikilvægar upplýsingar

Búnaður sem þátttakendur taka með sér:

Hjól
Hjálmur
Hlífar (eftir þörfum/venjum hvers og eins)
Hlífðarfatnaður
Tjald/tjöld
Svefnpoki
Tjalddýna (eftir þörfum/venjum hvers og eins)
Eigin matur ef þátttakandi ætlar ekki að borða á veitingastað hótelsins á föstudegi og mánudegi

Tryggðu þér pláss

Smelltu hér til að bóka.