Við bjóðum konum á sannkallaða heilsuhelgi í stórfenglegu umhverfi á hálendinu dagana 16.-18. maí. Þátttakendur munu njóta endurnærandi stunda þar sem áhersla verður lögð á bæði andlega og líkamlega heilsu og heilsueflingu, ýmist með fyrirlestrum, jóga, náttúrugöngu eða afslöppun í Hálendisböðunum. Ferðinni fylgir gisting á nýju og notalegu hóteli í stórfenglegu umhverfi. Boðið verður upp á holla og hreina fæðu sem kokkarnir á veitingastaðnum töfra fram fyrir gesti. Vegirnir á hálendinu eru ekki ruddir á veturna og er þá aðeins fært í Kerlingarfjöll á sérútbúnum fjallajeppum. Akstur á hálendið er ekki innifalinn í ferðinni, gestir geta bókað akstur gegn gjaldi.

Ásdís Ragna grasalæknir verður á staðnum og stendur fyrir fræðslu um kvenheilsu og næringu með áherslu á hvatningu til jákvæðra lífstílsbreytinga. María Dalberg jógakennari mun svo leiða gesti í gegnum mjúka Yin jóga tíma og jóga Nidra djúpslökun ásamt núvitundarhugleiðslum á þessu einstaka svæði þar sem orkan er alltumlykjandi.