Fjör á fjöllum

Skíðahátíð á hálendinu

Við rifjum upp gamla tíma í Kerlingarfjöllum, skíðum frá sólarupprás til sólseturs og skemmtum okkur saman á kvöldvöku.

6.-8. mars

Skemmtileg skíðaferð

Við bjóðum skíðafólki að skella sér í Kerlingarfjöll 6.-8. mars þar sem skíðað verður frá morgni til kvölds og góð stemning í algleymingi. Starfsfólk Kerlingarfjalla leggur gönguskíðabrautir og ferjar gesti á snjósleðum upp í hlíðar. Því ætti allt skíðafólk að geta notið þess að renna sér um afskekktar slóðir þar sem ævintýrin bíða við hvern stein.

Ferðinni fylgir gisting á notalega hótelinu okkar, ljúffengur matur, aðgangur að Hálendisböðunum, alvöru après ski stemning og kvöldvökur að hætti Kerlingarfjalla. Gestir geta bókað akstur eða keyrt í Kerlingarfjöll á eigin vegum, en athugið að á veturna er aðeins fært á sérútbúnum fjallajeppum.

Bóka

Dagskrá

Við rifjum upp gamla tíma í Kerlingarfjöllum, skíðum frá sólarupprás til sólseturs og syngjum saman á kvöldvöku. Starfsfólk Kerlingarfjalla leggur gönguskíðabrautir og ferjar skíðafólk upp í hlíðar þar sem færi er best þann daginn. Við njótum einnig góðra veitinga, skálum saman í apré ski skemmtun á pallinum fyrir kvöldverð og förum í stjörnuskoðun ef veður og aðstæður leyfa.

Föstudagur

16:00 Innritun á hótel
19:00 Kvöldverður á eigin vegum
Sögustund í setustofu og stjörnuskoðun ef vel viðrar

Laugardagur

07:30-10:00 Morgunverður
09:30 Öryggisfundur - Leiðbeinandi fer yfir skíðabúnað og dagskrána fram undan
10:30-13:30 Gönguskíði og snjósleðaakstur upp í fjöll. Starfsfólk leggur gönguskíðabrautir fyrir þá gesti sem vilja halda í gönguskíðatúr og ferjar gesti á fjallaskíðum á hentugasta skíðasvæði dagsins.
14:00-16:00 Gönguskíði og snjósleðaakstur upp í fjöll.
16:00-18:00 Après ski partí á pallinum
18:00-21:30 Kvöldverður á veitingastaðnum
Kvöldvaka

Sunnudagur

07:30-10:00 Morgunverður
Göngubraut opin fyrir gönguskíðafólk
12:00 Útritun af hóteli

Athugið að allar tímasetningar eru áætlaðar og geta breyst. Þátttakendur fá senda endanlega dagskrá þegar nær dregur.

Verð og herbergi

Hlýlegt deluxe twin eða double herbergi

172.800 kr. (tveir gestir í tvær nætur)
139.800 kr. (einn gestur í tvær nætur)

Deluxe fjölskylduherbergi

180.800 kr. á mann (tveir gestir í tvær nætur)

Notalegt standard twin eða double herbergi

128.800 kr. (tveir gestir í tvær nætur)
100.600 kr. (einn gestur í tvær nætur)

Glæsileg svíta

264.800 kr. (tveir gestir í tvær nætur)

Einkaskáli

229.600 kr. (tveir gestir í tvær nætur)

Innifalið

Gisting í tvær nætur
Morgunverður
Þriggja rétta máltíð á laugardegi
Apré ski kokteill
Aðgangur að gönguskíðabrautum
Après ski
Kvöldvaka
Sögustund og stjörnuskoðun
Aðgangur að Hálendisböðunum

Athugið að gestir hafa val um að bóka akstur fyrir aukagjald.

Snjósleðaskutl

Þeir gestir sem vilja fá snjósleðaskutl upp í hlíðar Kerlingarfjalla þurfa að bóka tíma fyrir fram. Hægt er að bóka skutl frá hótelinu fyrir hádegi kl. 10:00, 11:00, 12:00 og eftir hádegi kl. 14:00 og 15:00. Snjósleðaskutl kostar 17.500 kr. á mann og gildir í ótakmarkaðan fjölda þeirra ferða sem eru í boði. Takmarkaður fjöldi sæta er í hverri ferð og því mikilvægt að bóka sem fyrst með því að skrá sig inn í My Booking eftir að ferðin hefur veruð greidd og fylla út þar til gert eyðublað.

Ferðin til fjalla

Þátttakendur geta valið um að keyra á svæðið á eigin vegum eða að bóka akstur fyrir aukagjald.

Á eigin vegum: Yfir veturinn er aðeins fært til okkar á sérútbúnum fjallajeppum, enda geta veður og færð verið óútreiknanleg. Því er mikilvægt að gestir hafi aðgang að slíkum farartækjum, séu við öllu búnir og treysti sér til ferðarinnar. Hér eru upplýsingar um ferðalagið.

Akstur: Lagt er af stað á föstudeginum frá Skógarhlíð 10, Reykjavík kl 09:00, með viðkomu í Skjóli kl 10:45. Hægt er að leggja bílum í Skjóli yfir helgina, fyrir þau sem kjósa að fá aðeins akstur úr Skjóli í Kerlingarfjöll. Við biðjum þátttakendur að mæta stundvíslega og vera vel útbúnir á leiðinni, því ævintýrin gera ekki boð á undan sér.

Meira um ferðina

Tryggðu þér pláss

Smelltu hér til að bóka.