Snækollur

Tímabil: 15. júní - 30. september

Aðeins í boði sem einkaferð: Vinsamlegast hafið samband á info@highlandbase.is til að fá frekari upplýsingar.

Upphafsstaður: Þátttakendur hitta leiðsögumann á hótelinu og nota eigin farartæki til að komast á upphafsstað göngunnar.

Hækkun: 550-600 m

Búnaður fylgir: Enginn

Erfiðleikastig: Getur verið krefjandi, þátttakendur ættu að vera í ágætri þjálfun

Í þessari ferð er gert ráð fyrir einum leiðsögumanni fyrir hverja sjö gesti.

Verð:

• 1-5 manns: 165.000 kr.

• 6-7 manns: 175.000 kr.

Hámarksfjöldi: 7 manns

Lýsing:

Snækollur er hæsti tindur Kerlingarfjalla. Margir telja að ofan af toppnum sé hægt að sjá til bæði suður- og norðurstrandar Íslands í góðu skyggni. Við getum allavega staðfest að útsýnið er algjörlega stórfenglegt – hvort sem sést til sjávar eða ekki.

Komdu í göngu með reyndum leiðsögumanni sem er fullur af fróðleik. Mesta hækkunin fer fram á bröttum en tiltölulega stuttum kafla. Við tekur stórbrotinn fjallastígur sem leiðir upp á fjallstindinn. Það er hvergi betra að stoppa en á toppnum til að hvíla þreytta fætur, fá sér hressingu og njóta útsýnisins. Ef aðstæður leyfa er farið yfir jökulbreiðu á bakaleiðinni.

Hvað þarf að taka með?

Hlý föt og sokka, vind- og vatnsfráhrindandi yfirhöfn, gönguskó, hanska, buff, húfu eða eyrnaskjól og sólgleraugu.

Vatn, snarl og léttan hádegisverð.