Kerlingarfjöll

Ósnortnar óbyggðir

Einstök náttúrufegurð

Frá örófi alda hafa óbyggðir hálendisins verið ótæmandi uppsretta þjóðsagna og þjóðtrúar. Nafn Kerlingarfjalla er sjálft dregið af 25 metra háum hraunstöpli sem sagður var steinrunnar leifar tröllskessu einnar sem reikaði um fjallgarðinn en varð að steini þegar fyrstu geislar sólarinnar náðu henni einn morguninn.

Margar kynslóðir Íslendinga sem heimsóttu skíðaparadísina Kerlingarfjöll ár eftir ár eiga þaðan ómetanlegar minningar. Þar eru ótal áhugaverðar gönguleiðir, stuttar sem langar, og aðstæður til göngu- og fjallaskíðaiðkunar eru eins og best verður á kosið.

Aðkoman

Leiðin til fjalla

Ferðin í Kerlingarfjöll liggur um Kjalveg. Á sumrin er hann vel fær bílum en á veturna er farið á sérútbúnum fjallajeppum sem ekið er af atvinnubílstjórum.

Virðing fyrir umhverfinu

Að vernda landið og heiðra söguna

Kerlingarfjöll voru friðlýst í heild sinni sem landslagsverndarsvæði af Umhverfisstofnun árið 2020. Markmiðið með friðlýsingunni er verndun hinna merkilegu jarðminja svæðisins og ásýnd þess, landslagið og óbyggðirnar. Um leið er henni ætlað að efla Kerlingarfjöll sem útivistarsvæði. Öll starfsemi og aðstaða Highland Base í Kerlingarfjöllum miðar að þessum sömu markmiðum. Áfangastaðurinn Kerlingarfjöll starfar í sátt við umhverfi sitt og lýtur öllum meginreglum um góða umgengni við náttúruna. Við uppbyggingu svæðisins voru allar framkvæmdir og efnisval húsakosts í samræmi við BREEAM staðalinn, sem er leiðandi matsaðferð fyrir sjálfbærni nýbygginga á heimsvísu.