Virðing fyrir umhverfinu

Að vernda landið og heiðra söguna

Kerlingarfjöll voru friðlýst í heild sinni sem landslagsverndarsvæði af Umhverfisstofnun árið 2020. Markmiðið með friðlýsingunni er verndun hinna merkilegu jarðminja svæðisins og ásýndar þess, landslagsins og óbyggðanna. Um leið er henni ætlað að efla Kerlingarfjöll sem útivistarsvæði. Öll starfsemi og aðstaða Highland Base í Kerlingarfjöllum miðar að þessum sömu markmiðum. Starfsemi hálendismiðstöðvarinnar í Kerlingarfjöllum fer fram í sátt við umhverfið og lýtur öllum meginreglum um góða umgengni við náttúruna. Við uppbyggingu svæðisins voru allar framkvæmdir og efnisval húsakosts í samræmi við BREEAM staðalinn, sem er leiðandi matsaðferð fyrir sjálfbærni nýbygginga á heimsvísu.