Afþreying
Vetrarævintýri
Upplifðu hálendið í sannkölluðum vetrarbúningi. Vetrartímabilið okkar nær frá 1. október til 15. júní ár hvert.
Á vit ævintýranna
Skíðaferðir
Festu á þig skíðin og renndu þér af stað í vöggu íslenskrar skíðamenningar. Umhverfið í óbyggðum Kerlingarfjalla er engu líkt og býður upp á einstaka möguleika til skíðaiðkunar.
Skoða nánarÆsispennandi leiðangur
Snjósleðaferðir
Fram undan eru ógleymanleg ævintýri í óbyggðunum. Á vélsleða kannar þú ósnortið landslag hálendisins á meðan adrenalínið ólgar í æðum.
Skoða nánarHorfðu til himins
Stjörnuskoðun
Hér eru kjöraðstæður til stjörnuskoðunar. Með sérútbúna sjónaukanum okkar skoðum við fjarlægar plánetur og tungl, fæðingarstaði stjarna, stjörnuþyrpingar og fjarlægar vetrarbrautir. Norðurljósin dansa á stjörnubjörtum næturhimni í alltumlykjandi næturmyrkri, án nokkurrar truflunar frá ljósmengun sem varla verður vart við á svæðinu. Alheimurinn hreinlega lifnar við.
Stjörnuskoðun með leiðsögn er í boði öll heiðskír kvöld kl. 21:00 yfir veturinn.
Endurnærandi fróðleikur
Sögustund
Við bjóðum gestum upp á drykk á meðan sérfróða starfsfólkið okkar segir okkur allt sem það veit um Kerlingarfjöll. Þau deila sögum af fyrstu göngugörpunum til að sigra tindana í Kerlingarfjöllum á 5. áratugnum, fræða okkur um nærliggjandi náttúru og útskýra þróun mannvirkjagerðar í þessum afskekktu og krefjandi aðstæðum — allt frá byggingu fyrsta skálans til skíðaskólans margrómaða, og áfram um hótelið sem nú er risið.
Boðið er upp á sögustund ásamt drykk á hverjum degi kl. 17:00 yfir veturinn.