Þægindi í faðmi fjalla

Hótel

Nýtt og glæsilegt hótel í Kerlingarfjöllum. Notaleg og fallega hönnuð herbergi og vel búnar svítur sjá til þess að gestir upplifi alvöru þægindi á hálendi Íslands.

Griðastaður á hálendinu

Láttu fara vel um þig

Á nýja og glæsilega hótelinu í Kerlingarfjöllum eru 26 herbergi, 2 svítur og 6 einkaskálar sem sjá til þess að gestir geti upplifað alvöru þægindi í hjarta hálendisins. Hvert herbergi er fallega hannað með sögu og sérkenni svæðisins í huga.

Hótelið tengist veitingastaðnum, setustofunni – og síðar meir böðunum – með undirgöngum. Þannig sjáum við til þess að gestirnir okkar þurfi ekki að fara út í vondum veðrum til að njóta alls þess sem notaleg aðstaðan hefur upp á að bjóða.

Nærandi og notalegt

Innifalið

Innifalið í gistingunni er morgunverðarhlaðborð, WiFi og aðgangur að böðunum sem opna í vetur. Á veturna er öllum gestum einnig boðið í sögustund í setustofunni ásamt drykk og stjörnuskoðun með leiðsögn.

Úrval herbergja

Veldu um fallegt og notalegt hótelherbrgi, fjölskylduherbergi eða rúmgóða svítu. Á hótelinu bjóðum við upp á úrval gistimöguleika sem eiga það sameiginlegt að veita gestum frið, næði og alvöru þægindi í Kerlingarfjöllum.

Tveggja manna herbergi

(Deluxe twin/double)

  • Stærð: 22 m²

  • Val um hjónarúm eða tvö einstaklingsrúm

  • Fjöldi gesta: 2 fullorðnir

  • Te-/kaffiaðstaða

Nánar

Fjölskylduherbergi

(Deluxe family)

  • Stærð: 30 m²

  • Hjónarúm og svefnsófi

  • Fjöldi gesta: 4 (2 fullorðnir og 2 börn)

  • Te-/kaffiaðstaða

Nánar

Svíta

  • Stærð: 44 m²

  • Verönd með heitum potti

  • Rúm: Hjónarúm

  • Fjöldi gesta: 2 fullorðnir

  • Setustofa

  • Te-/kaffiaðstaða

Nánar

Bragðgóðar hefðir

Veitingastaðurinn

Veitingastaðurinn sameinar hefðbundna íslenska matargerð, einstakt útsýni og notalegt andrúmsloft á fjöllum. Sannkölluð bistró-stemning á hálendinu.

Skoða

Vellíðan á fjöllum

Böðin

Láttu líða úr þér í heitu vatni hálendisins með einstakt útsýni til fjalla. Aðgangur að böðunum fylgir með gistingu á hóteli, hosteli eða í einkaskála. Við opnum í vetur.

Skoða

Vetrarævintýri

Stjörnuskoðun

Myrkrið í Kerlingarfjöllum skapar kjöraðstæður fyrir stjörnuskoðun. Með sérútbúna sjónaukanum okkar skoðum við fjarlægar plánetur og tungl, fæðingarstaði stjarna, stjörnuþyrpingar og fjarlægar vetrarbrautir. Norðurljósin dansa á stjörnubjörtum næturhimni í alltumlykjandi næturmyrkri, án nokkurrar truflunar frá ljósmengun sem varla verður vart við á svæðinu. Alheimurinn hreinlega lifnar við.

Stjörnuskoðun með leiðsögn er í boði öll heiðskír kvöld kl. 21:00 í október-apríl.

Endurnærandi fróðleikur

Sögustund á vetrarkvöldi

Við bjóðum gestum upp á drykk á meðan sérfróða starfsfólkið okkar segir okkur allt sem það veit um Kerlingarfjöll. Þau deila sögum af fyrstu göngugörpunum til að sigra tindana í Kerlingarfjöllum á 5. áratugnum, fræða okkur um nærliggjandi náttúru og útskýra þróun mannvirkjagerðar í þessum afskekktu og krefjandi aðstæðum — allt frá byggingu fyrsta skálans til skíðaskólans margrómaða, og áfram um hótelið sem nú er risið.

Boðið er upp á sögustund ásamt drykk á hverjum degi kl. 17:00 í október-maí.