Umvafin hlýju

Heit böð í faðmi fjalla

Hvíldu þig eftir ævintýri dagsins og láttu heitar uppsprettur Kerlingarfjalla endurnæra lúin bein. Í Böðunum í Highland Base eru meðal annars heitar setlaugar, gufubað, kaldur pottur, búningsaðstaða og innangengt er fyrir gesti milli hótelsins og Baðanna.

Aðgangur að Böðunum er innifalinn í hótelgistingu. Gestir á tjaldsvæði, í skálum og ferðalangar á leið um Kerlingarfjöll geta keypt sér aðgang.

Böðin í Highland Base verða opin daglega frá 10:00 til 22:00.