Ógleymanlegt ferðalag
Leiðin í Kerlingarfjöll
Ferðin um hálendið er hluti af töfrum Kerlingarfjalla. Þögnin sem einkennir grýttar auðnir hálendisins er engu lík og hún fær ferðalanga til að staldra við og leggja við hlustir.
Staðsetningin
Highland Base er staðsett í Kerlingarfjöllum, í 700 metra hæð á miðju hálendi Íslands. Á sumrin er hægt að aka þangað sjálfur á fólksbílum eða stærri bílum, eða taka rútu. Á veturna er aðeins hægt að komast þangað á sérútbúnum fjallabílum undir stjórn fagfólks.
Vegalengdin
Frá Reykjavík til Kerlingarfjalla eru um 200 kílómetrar og leiðin tekur um 3,5 klukkustund í akstri – undir eðlilegum kringumstæðum. Hafa ber í huga að aðstæður á hálendi Íslands geta tekið breytingum frá degi til dags.
