Tvær töfrandi nætur

Í nánd við norðurljósin

Tveggja nátta ferð þar sem við bjóðum gestum í spennandi afþreyingu á daginn og leitum að norðurljósum á næturhimninum.

Bóka

Vetrarævintýri

Heillandi himinn og ótroðnar slóðir

Í þessari ferð munum við beina sjónum að stjörnubjörtum næturhimninum og vonandi koma auga á fjarlægar reikistjörnur, tungl, norðurljós og önnur undur alheimsins* á þessu ótrúlega svæði þar sem varla verður vart við ljósmengun.

Ferðinni fylgir meðal annars aðgangur að heitu Hálendisböðunum, sælkeraveitingar, heillandi sögustund og fleira. Auk þess verður gestum boðið í afþreyingu dagsins, til dæmis göngu inn í töfrandi vetrarparadís hálendisins.

Nánari upplýsingar:

  • Verð frá 196.800 kr. fyrir tvo í Deluxe herbergi

  • Tvær nætur

  • Í boði október - nóvember 2025 og febrúar - apríl 2026.

  • Brottfarir á fimmtudögum og föstudögum

Innifalið

  • Gisting í tvær nætur

  • Morgunverður

  • Hálendisböðin

  • Þriggja rétta kvöldverður bæði kvöldin

  • Sögustund og fordrykkur

  • Norðurljósaskoðun (háð veðri)

  • Akstur, aðrar máltíðir, drykkir og aðgangur í aðra afþreyingu fylgja ekki

Kjöraðstæður

Fullkomin myrkurgæði

Í Kerlingarfjöllum geta gestir notið ómengaðra myrkurgæða, enda verður varla vart við ljósmengun á svæðinu. Við uppbyggingu og hönnun var þess sérstaklega gætt að hægt sé að njóta töfra næturhiminsins við kjöraðstæður.

*Við bendum á að þrátt fyrir að ferðin sé sérstaklega útfærð til að hámarka líkur á að gestir komi auga á norðurljós, stjörnur o.s.frv. er slíkt háð veðri og aðstæðum hverju sinni.

Hápunktar ferðarinnar

Orka fyrir ævintýri á fjöllum

Fylltu á tankinn fyrir ævintýrið á veitingastaðnum okkar. Við bjóðum upp á hádegisverð af matseðli, vöffluhlaðborð eða nestispakka svo þú getir notið hádegisverðarins utandyra.

Athugið að máltíðir eru ekki innifaldar í uppgefnu verði.

Nánar

Hálendisböðin

Njóttu þess að slaka á í heitu vatni hálendisins með einstakt útsýni til fjalla.

Nánar

Ógleymanleg ævintýraför

Leiðin til fjalla um vetur

Vegirnir á hálendinu eru ekki ruddir á veturna og er þá aðeins fært í Kerlingarfjöll á sérútbúnum fjallajeppum. Við bjóðum upp á ferðir með þrautreyndum atvinnubílstjórum. Mundu að bóka akstur fyrir ferðina.

Nánar

Búðu þig undir ævintýri

Upplifun sem gleymist aldrei

Tryggðu þér pláss í spennandi ævintýri og notalega afslöppun í hjarta hálendisins.

Bóka